SkyGreenland í Føroyum fyri fyrstuferð

Í gjar, 5. oktobur, lendi eitt Fokker 100 frá SkyGreenland í Vágum. Hetta er fyrstuferð, at eitt flogfar hjá SkyGreenland lendir í Vágum.

SkyGreenland er nýggja felagið hjá danska/grønlendska íverksetarinum, Gert Brask. Hann hevur áður roynt seg við felagnum, Greenland Express, men tann royndin miseydnaðist.

Flogfari, sum er eitt Fokker 100, tekur ímillum 97 og 122 ferðafólk, og er 35 metur langt og 28 metur breitt.

SkyGreenland er í Føroyum í samband við U21 fótbóltsdystin ímillum Føroyar og Eysturríki. Flogfari fer avstað aftur við eysturríkarunum í morgin 7. oktobur. Alt í alt eru knapt 40 fólk við í ferðalagnum.