05-04-2010

Almenn arbeiðsbyrjan í sambandi við leinging av flogvøllinum verður hósdagin 6. mai 2010

Skipað verður fyri einum tiltaki við eystara enda á flogvøllinum, har Jóhan Dahl landstýrismaður loysir av fyrsta skotið í spreingingini framvið vøllinum. Aftaná verður móttøka í farstøðini á flogvøllinum.

Skráin fyri tiltakið er hendan:

· 13.30: Møtt verður á ídnaðarøkinum oman fyri flogvøllin. Haðani verður bussflutningur til arbeiðsøkið við eystara enda á flogvøllinum

· 14.15 (umleið): Boðið verður vælkomin á arbeiðsøkinum.

· 14.30 (umleið): Jóhan Dahl landstýrismaður loysir av fyrsta skotið í spreingingini fram við vøllinum

· Bussflutningur aftur til farstøðina

· 15.00-16.00: Móttøka í farstøðini

Av praktiskum ávum ber ikki til hjá fólki sjálvum at koyra til arbeiðsplássið við eystara enda á vøllinum, men skipað verður fyri bussflutningi frá ídnaðarøkinum hjá Sørvágs kommunu oman fyri flogvøllin.

Tiltakið er alment.