FYRIBYRGJANDI TILTØK Í SAMBANDI VIÐ CORONA
12.03.2020

FYRIBYRGJANDI TILTØK Í SAMBANDI VIÐ CORONA

(Dagført 15. sept. 2021) 

Ferðing

Víst verður til tilmæli og vegleiðingar frá myndugleikunum í sambandi við ferðing, sí hesa leinkju á korona.fo.

Somuleiðis verður víst til heimasíðuni hjá løgregluni viðv. kunning um korona í Føroyum. 

Heitt verður á ferðandi til og úr Føroyum at kunna seg væl um nýggjastu reglurnar í góðari tíð undan ætlaða fráferð.

 

Tá tú ferðast um flogvøllin

Í Vága Floghavn seta vit altíð trygdina í hásæti, samstundis sum vit ynskja tær og tínum eina góða uppliving, tá tú ferðast um flogvøllin - eisini í hesum korona-tíðum.

Til tess at avmarka korona/kovid-19 smittuvandan, eru galdandi ávísar leiðreglur - bæði fyri ferðandi, avvarðandi, starvsfólk, bilførarar og onnur, sum hava síni ørindi á Vága Floghavn:

 

  • Nýtsla av andlitsmasku 
    • Øll ferðandi um Vága Floghavn, bæði komandi og farandi, skulu vera í andlitsmasku í seinasta lagi tá tey koma til trygdareftirlitið/security.
    • Somuleiðis seta flogfeløgini krøv til ferðafólk um at vera í andlitsmasku umborð á flogfarinum
    • Gev gætur at eisini danskir flogvøllir seta somu krøv um nýtslu av andlitsmasku
    • Børn undir 6 ár og fólk, sum hava trupulleikar við andaleiðini e.l., verða ikki kravd at vera í andlitsmasku
    • Nýtsla og burturbeining av andlitsmaskum skal verða sambært vegleiðingum frá framleiðara og heilsumyndugleikum.
    • Andlitsmaskan skal verja bæði nøs og munn og vera góðkend sambært evropeiskum standardi, EN 14683:2014 ella tilsvarandi
    • Góðkendar andlitsmaskur fáast til keyps í Kunningardiskinum (tlf. 354460) í fráfaringarhøllini og m.a. á apotekunum.
    • Ferðafólk sleppa ikki inn í trygdareftirlitið/security uttan at vera í andlitsmasku

 

  • Inni í farstøðini/terminalinum verða ferðafólk støðugt kunnað um korona/kovid-19 leiðreglurnar, m.a. á kunningarskíggjunum

 

  • Kafé'in í innskrivingarhøllini er afturlatin í løtuni, men inni á Dutyfree-økinum í fráfaringarhøllini er kafé’in opin, og har ber til at fáa sær okkurt til matna. 

 

  • Dutyfree handilin er opin sum vant.

 

  • Coronasmitta spjaðir seg oftast, har nógv fólk savnast. Sjúkan smittar millum annað við lógvataki og smáum dropum frá hosta og njósi. Heitt verður á ferðandi um at ansa eftir sær sjálvum og øðrum við at fylgja almennu ráðunum um reinføri og samveru, m.a.:
    • Vaska tær ofta og væl um hendurnar
    • Spritta javnan hendurnar
    • Hosta ella njós í ermuna – ikki í hendurnar
    • Avmarka kropsligt samband við onnur sum til dømis lógvatak, klemm og kinnkoss
    • Halt hóskandi frástøðu (1,5 metur), tá ferðast verður millum onnur fólk
    • Ver sera ansin í støðum, har nógv fólk savnast
    • Kennir tú teg sjúka ella hevur sjúkueyðkenni, ver so heima.