Dronuflúgving í Føroyum

Í Føroyum eru bæði Evropeisku dronureglurnar og føroyska kunngerðin galdandi.

Hetta merkir, at tú kanst flúgva við dronu á sama hátt sum innan ES. Tó skalt tú vera varðugur við ávís undantøk og seta teg inn í serligu frástøðukrøvini, sum eru galdandi í Føroyum.

Á hesi síðuni eru høvuðskrøvini fyri dronuflúgving lýst. Vinarliga les føroysku kunngerðina um dronur fyri ítøkiligar reglur og ásett frástøðukrøv til ávís øki. Hesar reglur skulu fylgjast, uttan mun til um tú flýgur í "open" ella "specific" bólkinum.

Kort yvir geografiskar dronuzonur í Føroyum

Vitja dronusonur.fo fyri yvirlit yvir dronuzonur í Føroyum.

Flúgving í "open category" sambært evropeiskum dronureglum

Evropeisku reglurnar áseta frástøðu til fólk, krav um dronuprógv og nær váðameting skal latast inn.

Mest loyvda hædd: 120 metrar yvir jørðini
Dronan skal altíð vera innan sjónligari linju (VLOS)
Evropeisk dronuprógv eru galdandi í Føroyum
Einki prógv krevst fyri dronur undir 250 gramm
Tú skalt hava rætt dronuprógv til tína dronu
Dronur, sum eru komnar á marknaðin eftir 1. januar 2022, skulu hava C-merki

Yvirlit yvir frástøðukrøv og avmarkingar sambært føroysku kunngerðini um dronur.

Niðanfyri er yvirlit yvir frástøðukrøv og geografiskar dronuzonur í Føroyum, sambært kunngerð BEK 114 frá 31. januar 2024.

Øll skulu fylgja reglunum í kunngerðini, uttan mun til um dronuprógv krevst ella ikki. Sí kunngerðina HER

Hald 5 km frástøðu frá Vága Floghavn
Hald 2 km frástøðu frá tyrlulendingarstøðum (HEMS)
Undantøk fyri A2 dronuprógv
Loyvi krevst til at flúgva yvir privata ogn
Flúgving yvir friðað øki er avmarkað
Ikki loyvt at flúgva yvir fiskieftirlit ella grindadráp
Tryggingar krav eru galdandi

Ávís øki krevja loyvi frá danska Luftfarts- og JarnbanustýrinumViðkomandi reglur

Føroyska kunngerðin um eyka reglur til dronureglurnar
Føroyska kunngerðin um reglur og mannagongdir fyri ómannað flogfør

Myndugleikarnir, sum hava ábyrgd eru Trafik-, Bygge- og Boligstyrelsen og Løgreglan.

Á heimasíðuni hjá donsku myndugleikunum www.droneregler.dk finnur tú meira ítøkiliga kunning um reglur fyri dronuflúgving.