Tað er umráðandi at tekna eina ferðatrygging og/ella kanna eftir, at tín ferðatrygging fevnir um títt ferðamál.

Um okkurt óvæntað hendir á tínari ferð, kann ein uttanlandaferð uttan nóg góða ferðatrygging gerast sera kostnaðarmikil.

Tað er tí eitt gott hugskot at tosa við tryggingarfelagið hjá tær, áðrenn tú fert avstað, soleiðis at alt er í ordan áðrenn fráferð.

Tá tú ferðast á longri flogferðum, eru nøkur ráð góð at fylgja:

• Drekk vatn heldur enn rúsdrekka. Rúsdrekka kann turka kroppin út (dehydrering) og økja um váðan fyri blóðtøppum. Rør teg javnan – vippa tærnar, og spáka tær ein túr í miðgongini.

• Ver rólig/ur. Lat vera við at øsa teg um smáting, og minst til at halda aftur við rúsdrekka. Ov nógv rúsdrekka viðførir manglandi sjálvsatfinning og kann virka ógvusligari, tá ein er illur ella erkvisin.

• Vís virðing fyri flogmanningini. Flogskiparin hevur hægsta myndugleika umborð, og avgerðir hjá flogskipara skulu altíð virðast. Larmur ella ørskapur kann føra til óynsktar seinkingar og stórt endurgjaldskrav.

• Roykibann er alneyðugt. Roykibann er fyri trygdina hjá øllum. Gev gætur, at roykvarnarar finnast í fleiri støðum í flogfarinum, og teir boða beinanvegin frá, um roykt verður.

• Fyrireika teg til longri tíð uttan tubbak. Hav nikotin tyggigummi ella annað avvenjingarevni við, so tú kanst klára tær betur á longu ferðini.

Danska Uttanríkismálaráðið kunngerð javnan vegleiðingar til ferðandi á heimasíðu teirra. 

Ferðavegleiðingarnar geva ráð og upplýsingar um lond og økir við serligum váða grundað á kríggj, vanda fyri yvirgangi, borgarastríð, náttúruvanlukkur, kriminalitet og líknandi váðar. 

Tað ber til at finna ferðavegleiðingar frá danska Uttanríkismálaráðnum her.